Pulitika ang nakikitang dahilan ng Malakaniyang sa dismissal order ng Ombudsman kay Deputy Speaker at Cebu Rep. Gwendolyn Garcia.
Ayon kay Presidential Spokesman Harry Roque, duda siya sa timing ng Ombudsman sa pagpapataw nito ng parusa kay Garcia na isa sa mga bumubusisi sa naging anomalya ng nagdaang administrasyon tulad ng Dengvaxia at impeachment kay Supreme Court Chief Justice Ma. Lourdes Sereno.
Giit ng kalhim, tanging liderato lamang aniya ng kamara ang siyang may karapatang kumastigo kay Garcia kung makakakuha ito ng 2/3rds vote mula sa mga mambabatas.
Kasunod nito, tiwala si Roque na hindi ipatutupad ng kamara ang kautusan na ito ng Ombudsman kaya’t hindi ito mapapa-alis bilang isang mambabatas.
Ulat ni DWIZ Patrol Reporter Jopel Pelenio
Posted by: Robert Eugenio
