Susuportahan ng bagong kalihim ng Department of the Interior and Local Government (DILG) at dating Chairperson ng Metropolitan Manila Development Authority (MMDA) na si Benhur Abalos ang mga Road Clearing Operations.
Sinabi ni Abalos, ang kanilang Barangay Affairs ang mangunguna para kausapin ang mga opisyal ng mga barangay para tumulong sa Road Clearing Operations.
Aniya, kinakailangan masiguro na madadaanan ang Mabuhay Lanes dahil ito ang tanging paraan para maibsan ang mabigat na trapiko.
Samantala, nanawagan naman ang kalihim sa publiko na magtulungan ang bawat isa para matiyak na hindi magiging sagabal sa mga kalsada.
