Handa na ang Department of Interior and Local Government (DILG) sa nalalapit na Barangay at Sangguniang Kabataan election sa Mayo.
Ayon kay DILG Undersecretary Martin Dino, kasado na ang ilalatag na seguridad para sa mga kandidato at mga botante.
Aniya, nakapagsagawa na sila ng iba’t ibang conference kasama ang mga opisyal ng Philippine National Police at Commission on Elections para tiyakin na magkakaroon ng malinis, maayos at mapayapang halalan.
Nagbabala naman si Dino sa mga kandidato at opisyal ng barangay na sangkot sa bawal na gamot.
Aniya, mino – monitor na ng DILG ang mga pasaway na opisyal na ayaw tumigil sa kanilang mga iligal na gawain.