Tinawag na usurper o mang-aagaw ni Solicitor General Jose Calida si Supreme Court Chief Justice on leave Maria Lourdes Sereno.
Sa kanyang Twitter post, ibinahagi ni Calida ang kanyang gagawing pagdalo sa oral argument ng Korte Suprema laban kay Sereno na di umano’y iligal na umuukopa sa posisyon bilang Punong Mahistrado.
Ang naturang pahayag ay kasabay naman ng kanyang naging pagbati sa kabayanihan ng mga sundalong mga Filipino na nakipaglaban sa mga dayuhan noong World War II bilang pagdiriwang Araw ng Kagitingan kahapon.
Natakdang dinggin ng Korte Suprema ngayong araw ang inihaing quo warranto petisyon ni Calida laban sa Chief Justice.
—-
