Aminado si Vice President Sara Duterte na posibleng hindi na makabalik ng Pilipinas ang kanyang ama na si dating Pangulong Rodrigo Duterte.
Sa online press briefing ni VP Sara, binigyang-diin nito na mas mainam na mag-move forward na lamang mula sa nangyari dahil wala namang magagawa kung magagalit ang publiko laban sa kanino man.
Sinabi ito ng bise presidente matapos tanungin kung may samâ ba ito ng loob kay National Security Adviser Eduardo Año, na sinasabing sangkot sa pag-aresto sa nakatatandang duterte na kasalukuyang nasa kustodiya ng International Criminal Court.
Naniniwala rin si VP Sara na hindi pananagutin ng pamahalaan ang mga opisyal na nasa likod ng sinasabing iligal na pag-aresto sa dating pangulo.—sa panulat ni John Riz Calata
