Kumbinsido si Justice Secretary Jesus Crispin Remulla na imposible nang maibalik pa sa Pilipinas si dating Pangulong Rodrigo Duterte mula sa The Hague, Netherlands, kung saan ito nakakulong dahil sa nakabinbing paglilitis sa International Criminal Court.
Ayon kay Secretary Remulla, maituturing nang “done deal” ang nangyari dahil nasa Netherlands na ang dating pangulo.
Mayroon na rin aniyang mga notice na gumugulong na ang mga pagdinig.
Ipinunto pa ng kalihim na mismong ang dating presidente ang nagsabi na haharapin niya ang mga kaso, bagay na narinig din ng lahat ng Pilipino.
Nanawagan naman ang Justice Chief sa publiko na manatiling nagkakaisa sa “diwa ng hustisya”. —sa panulat ni Laica Cuevas
