Iimbestigahan ng isang grupo mula sa dumagat tribe ang nangyaring diarrhea outbreak sa Rizal at Quezon Province matapos ang pananalasa ng Bagyong Karding.
Ayon sa tagapagsalita ng network opposed to kaliwa, kanan and laiban dams na si Kakay Tolentino, posibleng kontaminado ang tubig sa agos river bunsod ng konstruksuon ng mga dam sa Sierra Madre.
Aniya, ito ang unang pagkakataon na nakaranas sila ng diarrhea outbreak sa dami ng malalakas na bagyong tumama sa kanilang lugar.
Nanawagan naman si Tolentino sa mga ahensya ng gobyerno na payagan silang magsagawa ng medical investigation upang malaman ang totoong dahilan ng outbreak.
Samantala, nanindigan ang mga katutubong dumagat na hindi sila aalis sa kanilang lugar sa gitna ng patuloy na pagpapatayo ng mga dam.
Sa kasalukuyan, anim na ang nasawi sa diarrhea habang 10 pa ang ginagamot sa iba’t ibang ospital. - sa panunulat ni Hannah Oledan
previous post