Pansamantalang isinara ang main building ng Department of Foreign Affairs (DFA) sa bahagi ng Roxas Boulevard sa Pasay City simula ngayong araw Hulyo 28.
Ayon sa DFA, bahagi ito ng isinasagawa nilang assessment sa ipinatutupad na mga hakbang para matiyak ang public health and safety sa kanilang opisina.
Mananatili anilang sarado ang DFA main building hanggang sa susunod na ipalalabas na abiso.
Samantala, tiniyak ng kagawaran na tuloy-tuloy ang operasyon ng kanilang mga consular offices sa Aseana at iba pang lugar para makapagbigay ng serbisyo.
