Kinumpirma ng Department of Health (DOH) na nag-apply ito para sa emergency use authorization sa pagtuturok ng ika-apat na dose ng COVID-19 vaccine sa mga senior citizen at immunocompromised.
Ayon kay Health Undersecretary Maria Rosario Vergeire, nagsumite sila ng aplikasyon sa Food and Drug Administration (FDA) matapos ang rekomendasyon ng Vaccine Experts Panel (VEP).
Hinihintay pa anya nila ang desisyon ng FDA at matapos nito ay tatalakayin nila ang posibleng implementasyon.
Magugunitang inihayag ni VEP Member, Dr. Rontgene Solante na maaari lamang kailanganin ang fourth dose o second booster shot para sa mga nakatatanda at may sakit.
