Nagbabalik bilang coach ng De La Salle University (DLSU) Green Archers si Derrick Pumaren.
Sa anunsyo ng DLSU Office of Sports Development, opisyal nang bagong coach ng men’s basketball team ng unibersidad, epektibo noong ika-1 ng Enero.
Malugod anilang tinatanggap ang muling pagbabalik ni Pumaren sa Lasallian community kasabay ng pagbuo ng mga bagong plano at direksyon para sa Green Archers.
Nagsilbi si Pumaren bilang coach ng Green Archers mula 1986 hanggang 1991 kung saan pinangunahan niya ang dalawang magkasunod na kampyonato ng koponan sa UAAP noong 1989 at 1990.
Samantala, sinabi ng DLSU na mananatili pa rin bilang assistant coach sina Gian Nazario at Jermaine Byrd.
