Inilatag ni incoming Presidential Spokesman Atty. Harry Roque ang mga kuwalipikasyon para sa kinuha niyang Deputy Presidential Spokesman.
Ayon kay Roque, kinuha niya ang isang millennial, bata at guwapong deputy spokesman upang mailapit sa mga kabataan ang pitumpu’t dalawang (72) taong gulang na si Pangulong Rodrigo Duterte.
Pagbibiro pa ni Roque, nakatitiyak siyang mahuhumaling ang mga babae sakaling masilayan na nila ang kaniyang Deputy Spokesman, subalit tumanggi na itong magbigay pa ng karagdagang detalye hinggil dito.
Sinabi pa ni Roque na dati niyang estudyante sa University of the Philippines o UP College of Law ang kanyang magiging Deputy Spokesman at kasalukuyang nagre-review para sa bar exams.
