Itinanghal na grand winner ng Your Face Sounds Familiar Season 2 ang aktres na si Denise Laurel.
Ginaya ni Laurel ang sikat na singer na si Beyonce sa kanyang performance noong Sabado kung saan napahanga niya ang mga judges at fans sa pagkanta ng ‘Love on Top’ at ‘Crazy in Love’.
Apat din sa mga finalists na nakalaban ni Denise sa titulo ay sina Sam Concepcion, Kean Cipriano, KZ Tandingan at Michael Pangilinan.
Napanalunan ni Denise ang isang trophy at P2 milyong piso kung saan ibibigay niya ang kalahati nito sa kanyang chosen charity.
