Giniba ang higit 30 kabahayan sa ginawang demolisyon sa 2 bahagi ng Lungsod ng Pasay.
Naganap ang demolisyon sa kanto ng Ignacio Street at sa FB Harrison Street.
Ayon sa pulisya, nagkaroon ng komosyon sa unang bahagi ngunit walang nagawa ang mga residente at napilitang umalis na lamang.
Dagdag naman ng Sheriff na si Ronald Lampitoc nasa pribadong lupa ang kinatatayuan ng mga bahay.
Nasa halos 100 pulis mula sa Pasay City Police at District mobile force ang kasama ng mga tauhan ng demolition personnel.
Naganap ang demolition matapos magpalabas ang Metropolitan Trial Branch Court 46 ng writ of demolition order.
