‘Good choice.’
Ito ang naging tugon dating PNP chief at ngayo’y Senador Ronald ‘Bato’ Dela Rosa hinggil sa paghirang ni Pangulong Rodrigo Duterte kay NCRPO Chief Police Major General Debold Sinas bilang susunod na hepe ng Pambansang Pulisya.
Ayon kay Senador Dela Rosa, may magandang track record si Sinas sa pagiging PNP officer.
Bagama’t naging maugong ang pangalan ni Sinas dahil sa pagsasagawa nito ng mañanita o ‘birthday salubong’ na malinaw na ipinagbabawal dahil sa umiiral na community quarantine, ayon kay Dela Rosa, wala namang perpekto sa mundo.
Kasunod nito, payo ni Dela Rosa sa susunod na PNP chief, ipagpatuloy aniya nito ang internal cleansing program o paglilinis sa hanay ng pulisya.
Gayundin ang pagpapatuloy sa magandang resulta ng anti-drugs at anti-criminality program ng PNP.
Sa huli, mensahe ni Senador Dela Rosa kay Sinas, “Congratulations and Goodluck, May the force be with you.” —ulat mula kay Cely Ortega-Bueno (Patrol 19)
