Nagpaabot ng pasasalamat at pagpupugay si Defense Secretary Delfin Lorenzana sa mga frontliners sa gitna ng pandemya.
Sa isang pahayag na inilabas ng kalihim ngayong Araw ng Kagitingan, sinabi ni Lorenzana na hindi matatawaran ang ipinakikitang kagitingan ng mga medical frontliners na lumalaban sa banta ng virus.
Bukod sa mga makabagong bayani ngayong panahon, iginiit ni Lorenzana na nananatiling ang pagkilala ng sambayanan sa kagitingang ipinamalas ng ating mga bayani.
Sa huli, nanawagan si Lorenzana sa publiko na panatilihing buhay sa ating mga puso ang ‘di matatawarang tapang na ipinamalas ng ating mga bayani, gayundin ang patuloy na pagpapakita ng pakialam at pagmamahal sa bawat-isa.