Kinasuhan ng plunder ang Pangulo at iba pang opisyal ng Development Bank of the Philippines o DBP.
Nagsabwatan di umano ang DBP officials upang bigyan ng bonus ang kanilang mga sarili na nagkakahalaga ng mahigit sa P312 milyong piso.
Kasama rin sa mga sinampahan ng kaso ang ilang opisyal ng Governance Commission for GOCC’s dahil sa paglabag sa batas na nagsasabing sila ang dapat magrekomenda sa Pangulo para sa bonus ng mga GOCC na maganda ang performance.
Batay sa reklamong inihain sa Office of the Ombudsman, nagsabwatan ang mga akusado para ma release ang 2014 Performance Based Bonus o PBB na halos 12 porsyentong mas malaki kaysa sa pinapayagan ng panuntunan sa bonuses.
Ang kaso ay isinampa nina DBP Vice President Mario Pagaragan Jr. at Association of the DBP Career Officials President Francis Romulo Badilla Jr.
By Len Aguirre
