Niyanig ng magkasunod na lindol ang Davao Occidental at Eastern Samar kaninang umaga.
Ala-1:23 ng madaling araw nang maitala ang magnitude 3 na lindol sa bayan ng Sarangani sa Davao Occidental.
Natukoy ang sentro nito sa layong dalawandaan at labindalawang (212) kilometro timog ng Sarangani.
Alas-6:06 naman ng umaga nang yanigin ng magnitude 3.6 na lindol ang Guiuan Eastern Samar.
Ayon sa PHIVOLCS, naitala ang sentro ng lindol sa layong 86 na kilometro silangan ng Guiuan at may lalim na 33 kilometro.
Wala namang inaasahang aftershocks at wala ring naitalang pinsala sa naturang mga paglindol.
—-
