Sinibak sa tungkulin ni Davao City Mayor Sara Duterte-Carpio ang City Information Officer na si Jefry Tupas, na isa sa mga guest ng party na sinalakay ng Philippine Drug Enforcement Agency (PDEA) sa Mabini, Davao De Oro.
Magugunitang 17 ang inaresto ng PDEA sa birthday party ng suspek at negosyanteng si Revsan Ethelbert Elizalde sa Sea Eagles Beach Resort sa Barangay Pindasan.
Bagaman imbitado si Tupas, umalis na ito sa naturang lugar bago ilunsad ng mga otoridad ang buy-bust operation kung saan mahigit 1.5 million pesos na halaga ng iligal na droga ang nasabat noong Sabado.
Nilinaw ni Duterte–Carpio na hindi nag-leave bagkus ay nag-resign si Tupas at sa mismong araw na nag-file ng resignation ay tinerminate na ito sa trabaho ng city government. —sa panulat ni Drew Nacino
