Nakikiisa ang dating Pangulong Noynoy Aquino sa pagbubunyag ng katotohanan sa publiko tulad nang ginawa nila nuong sila pa ang nasa pamahaalan.
Binigyang diin ito ng dating Pangulo matapos ipahiwatig ang pagdalo sa susunod na pagdinig ng Senate Blue Ribbon Committee hinggil sa Dengvaxia bukas, December 14.
Ayon pa sa dating Pangulo sinunod nila ang mga batas, panuntunan at tradisyon sa lahat ng mga naging hakbang nuong sila pa ang namamahala sa bansa.
Pasado alas 4:00 ng hapon nang matanggap ng dating Pangulo ang imbitasyon para humarap sa nasabing Senate hearing.
Pinadalhan din ng imbitasyon ng komite sina dating Executive Secretary Paquito Ochoa at dating budget Secretary Florencio Abad.
