Yumao na ang dating kalihim ng Department of Foreign Affairs o DFA na si Sec. Domingo Siazon Jr. sa edad na 77.
Base ito sa kumpirmasyon ng kanyang anak sa Facebook account nito.
Umani na rin ng pakikiramay sa nasabing Facebook account ang pamilya Siazon.
Samantala, isang opisyal na rin mula sa DFA ang nagsabi na prostate cancer ang sanhi ng pagkamatay ng dating kalihim na pumanaw sa Tokyo, Japan kahapon ng 4:30 ng hapon, oras doon.
Si Sec. Domingo Siazon Jr. ay dating DFA Secretary noong panahon ni former president Joseph Estrada.
Bukod dito, siya ay naging Philippine Ambassador sa Japan at naging Director-General ng United Nations Industrial Development Organization.
By Allan Francisco
