Kinasuhan ng Office of the Ombudsman si dating Caloocan Congressman Luis Asistio dahil sa maanomalyang paggamit ng PDAF nito.
Nakakita ng probable cause ang Ombudsman para kasuhan si Asistio na habang nasa puwesto ay patuloy na iniindorso ang implementasyon ng mga programa ng comprehensive integrated delivery of social services na pino pondohan ng kaniyang PDFA sa non-government office na KACI o Kalookan Assistance Council Incorporated.
Natuklasang mula 2006 hanggang 2007 ay may kabuuang 15 Million Pesos sa ilalim ng SARO o Special Allotment Release Orders ang inalis mula sa PDAF ni Asistio at inilaan sa DSWD.
Ang walong Milyong Piso rito ay ibinahagi sa KACI sa pamamagitan na rin ng kasunduan nina Asistio, dating DSWD Secretary Esperanza Cabral at kinatawan ng naturang NGO.
Sinabi ni Ombudsman Conchita Carpio Morales na ang maling paggamit ng pork barrel ni Asistio ay idinaan sa mga panukala nito kaugnay sa mga proyekto at tulong sa kaniyang distrito na hindi napatayo at sa halip ay kinontrol sa pamamagitan ng KACI.
Wala naman umanong counter affidavit na isinumite si Asistio sa preliminary investigation ng Ombudsman.
SMW: RPE
