Walang sama ng loob kay Tourism Secretary Bernadette Romulo-Puyat ang nagbitiw na Assistant Secretary ng ahensya na si Ricky Alegre.
Ayon kay Alegre tama lamang ang naging direktiba ni Puyat na courtesy resignation ng mga undersecretary at assistant secretary para malaya itong makapagsagawa ng reorganization sa Department of Tourism o DOT.
Naniniwala si Alegre na anuman ang hakbangin ng Pangulong Rodrigo Duterte at ni Secretary Puyat ay para sa kabutihan ng ahensya.
Naiintindihan aniya niya ang hakbang ni Puyat dahil naniniwala itong dapat mabigyan ng pagkakataon ang mga rank and file employees at career officials ng DOT para sa mga posisyon sa ahensya na dapat lamang naman.
Sinabi ni Alegre na ayaw niyang pangunahan ang magiging desisyon ni Puyat at ‘wait and see’ na lamang siya kung muling maitatalaga sa ahensya.
—-
