Nasagip ang dalawang indibidwal makaraang mahulog sa chocolate tank ng Mars M&M factory sa Pennsylvania.
Hindi umano nagawang makaalis ng dalawang empleyado dahil nalubog ang mga ito sa hanggang baywang na tsokolate.
Upang mailabas ang mga biktima ay binutas ng emergency responders ang naturang tangke.
Maswerteng hindi nasaktan ang dalawang empleyado sa insidente.
Nagpasalamat naman ang tagapagsalita ng Mars sa agarang pagtugon ng emergency responders.
