Kikilos na ang Department of Agriculture (DA) upang matulungan ang mga magsasaka na maideliver ang kanilang mga produkto.
Ito’y matapos makatanggap pa rin ng mga ulat ang ahensya kaugnay sa sitwasyon ng mga magsasaka dahil sa hirap na pagbyahe ng kanilang mga pananim upang maitinda sana.
Ayon kay Agriculture secretary William Dar, nakikipag-ugnayan na sila sa mga magsasaka na nangangailangan ng tulong sa transportasyon para maideliver ang kanilang mga produkto.
Ani Dar, hindi niya hahayaang masayang lamang ang mga pinaghirapang ito ng mga lokal na magsasaka kung saan kanilang pinagkukunan ng kanilang ikinabubuhay.
