Inako ng CPP-NPA ang pagpatay sa kinatawan ng indigenous people sa Malaybalay City Council.
Sa isang kalatas na pirmado ni Ka Ariel “Inda” Magbanwag, tagapagsalita ng NPA South-Central Bukidnon, kinumpirma nito na binaril ng kanilang sparrow unit o yung hit squad ng NPA si Datu Benjamin “Otto” Omao noong umaga ng Martes.
Tinarget anya si Omao dahil kriminal umano ito at nananakop ng lupa.
Kontra din umano ito sa rebolusyon at kinakatakutan dahil sa ugnayan umano nito sa bandidong grupong Delamance Group, na siyang grupong inaakushang pumapatay sa ilang Lumad sa Bukidnon.
Aktibo din umano si Omao sa pag-oorganisa ng Alamara Militia na grupong sinsusuportahan umano ng militar na nag-uutos sa mga Lumad na patayin ang sinumang miyembro ng NPA na kanilang makakasalubong.
By: Jonathan Andal
