Naniniwala naman ang Communist Party of the Philippines na Amerika ang nasa likod ng pagpapasabog sa Davao City noong Biyernes ng gabi.
Ito ang inihayag ni CPP-Southern Mindanao Regional Party Committee Siegfried Red kasabay ng kanilang pag-kundena sa pag-atake na ikinasawi ng labing-apat katao at ikinasugat ng halos pitumpung iba pa.
Layunin anya ng mala-imperialistang pag-atake na sirain ang reputasyon ni Pangulong Rodrigo Duterte.
Magugunitang inihayag ni Pangulong Duterte na ang Amerika ang lumikha sa pinaka-notorious na terror group sa mundo na ISIS at ang Estados Unidos din ang nasa likod ng unti-unting pagwasak sa Middle East.
By: Drew Nacino
