Bahagyang tumaas ang positivity rate ng Covid-19 sa Metro Manila nitong nakalipas na linggo.
Ayon kay OCTA Research fellow, Dr. Guido David, sumampa sa 14.5% ang positivity rate sa rehiyon nitong July 27.
Mula ito sa 14.2% na naitala noong July 23.
Umabot naman sa 7.80% ang Average Daily Attack Rate habang nasa 1.28 ang reproduction number o yung bilis ng hawaan.
Samantala, sumampa rin sa 36.9% ang Health Care Utilization Rate sa NCR, kung saan 2, 180 kama ang okupado mula sa 31.7% noong July 24.
Sampung probinsya ang nakapagtala ng mahigit 20% na positivity rate kabilang ang Cagayan, Isabela, Cavite, Laguna, Nueva Ecija, Pampanga, Tarlac, Aklan, Antique at Capiz.
