Nakapagtala ng karagdagang 18 bagong kaso ng COVID-19 sa mga Pinoy na nasa labas ng bansa ang Department of Foreign Affairs ngayong araw ng kagitingan.
Dahil dito, mayroon nang kabuuang 17,082 na kaso ng COVID-19 sa mga Pilipino abroad, kung saan 5,892 rito ay patuloy na nagpapagaling at 10,122 naman dito ay nakarekober na.
Samantala, 1,068 naman ang kabuuang nasawi habang wala namang naitalang bagong kaso ng namatay ngayong araw.
Tinatayang nasa 91 na bansa na ang naitalang may mga Pilipinong nadapuan ng COVID-19. —sa panulat ni Agustina Nolasco
