Patay ang isang lalaki matapos itong pagsasaksakin ng kanyang sariling pamangkin sa Poblacion District 3, La Paz, Leyte.
Kinilala ang biktimang si Gerano Lucentes, isang 55 anyos na construction worker.
Batay sa inisyal na imbestigasyon, minamaneho ng biktima ang kanyang motorsiklo nang bigla itong hinarangan ng suspek na si “Taba,” 35 anyos.
Dito na inilabas ng suspek ang kanyang patalim at pinagsasaksak ang biktima sa likod.
Dinala ang biktima sa Burauen District Hospital kung saan itong idineklarang patay.
Naaresto naman si Taba sa isang hot-pursuit operation. Ayon sa suspek, papunta na sana siya sa mga pulis upang sumuko nang dumating ang mga ito.
