Inaasahang matatapos na sa Marso sa susunod na taon ang connector road na nagdudugtong sa dalawang expressways sa Metro Manila.
Ayon kay Ramon Ang, Chief Operating Officer at Presidente ng San Miguel Corporation, imbis na sa Disyembre ay sa Marso na matatapos ang magdudugtong sa North Luzon Expressway (NLEX) at South Luzon Expressway (SLEX).
Nagka-problema aniya ang mga oil pipelines sa Pandacan, Maynila.
Ang naturang connector ang inaasahang magbabawas sa mabigat na daloy ng trapiko dahil makakapunto ang mga sasakyang mula South papuntang North nang hindi dumadaan ng C-5 at EDSA.
