Nilamon ng apoy ang isang commercial area sa Barangay Baritan, Malabon City kaninang maghahatinggabi.
Batay sa ulat, inakyat sa unang alarma ang sunog na naapula matapos ang 20 minuto.
Kwento ng isang residente sa lugar, nakarinig sila ng magkakasunod na putok at ilang sandali pa ay mayroon nang malakas na apoy.
Kabilang sa mga nasunog ang isang repair shop ng appliances, pet shop at isang paupahang bahay.
Inaalam pa rin ng mga otoridad ang sanhi at halaga ng pinsala ng sunog.
