Sanib puwersa ang Metropolitan Manila Development Authority (MMDA), Southern police district at lokal na pamahalaan sa isinagawang clearing operations sa ilang lansangan sa Pasig city at Pateros.
Ang nasabing clearing operations ay ikalawang beses na sa mga naturang lugar matapos ipag utos ng DILG sa mga lokal na pamahalaan na linisin ang kani-kanilang nasasakupan sa anumang obstruction sa lansangan.
Sumama rin sa nasabing operasyon sina Pasig City Mayor Vico Sotto at Pateros Mayor Ike Ponce.
Kabilang sa mga tinanggal ay illegal structures tulad ng signposts, mga nakaparadang sasakyan at illegal vendors.