Mabilisang nalinis ng Sorsogon Local Government Units ang ilang pampublikong kalsada at tulay na naapektuhan ng phreatic eruption ng Bulkang Bulusan, kahapon.
Sa panayam ng DWIZ, pinuri ni Sorsogon Governor Jose Edwin Hamor ang naging pagresponde ng local at national government sa sakuna.
Iginiit ng Gubernador na ang naging agarang paghahanda dalawang linggo bago ang pagsabog ang dahilan kaya’t naging maayos ang pagtugon sa sitwasyon. —sa panulat ni Mark Terrence Molave
