Hinuli dahil sa kasong kidnapping at iligal na droga ang isang Chinese national sa Pasay City.
Ayon sa Pasay City Police – Investigation and Detective Management Section, isang Chinese ang nagsumbong na kinidnap umano ang kaniyang kaibigan ng kapwa nila chinese kung saan, humihingi umano ang suspek ng ransom money.
Agad na nagtungo ang mga pulis sa lugar kung saan isasagawa ang pakikipagtransaksiyon sa suspek kung saan, dito na hinarang ng mga pulis ang sasakyan at pinababa ang suspek.
Nakita rin sa loob ng sasakyan ang chinese na biktima na nakagapos ng packaging tape ang mga kamay.
Narekober sa suspek ang isang glass tube na may hinihinalang shabu.
Nahaharap sa patong-patong na kaso ang dayuhang suspek.—sa panulat ni Angelica Doctolero