Nananatiling nangunguna ang China sa pinagmumulan ng iligal na droga sa bansa.
Ito ang inihayag ni Philippine Drug Enforcement Agency o PDEA Spokesman Derrick Carreon kung saan patuloy pa rin aniya ang operasyon ng iligal na pagpupuslit at pagtatayo ng mga shabu laboratories sa bansa ng mga malalaking Chinese drug trafficking organizations.
Gayundin umano ang pamamayagpag ng Mexican drug syndicates na ipinupuslit ng paunti-unti ang mga droga sa pamamagitan ng parcel.
Bilang tugon, mas pinaigting umano ng PDEA ang pakikipag-ugnayan sa iba pang ahensya ng gobyerno tulad ng Philippine Ports Authority at Maritime Industry Authority.
—-
