Nanindigan si Chief Justice Maria Lourdes Sereno na hindi siya magbibitiw sa pwesto.
Ito ang inihayag ni Atty. Carlo Cruz, spokesman ni Sereno matapos ang panawagan mula mismo sa Malacañang na dapat ng mag-resign ang punong mahistrado.
Iginiit ni Cruz na hindi kasama sa mga opsyon ang resignation bagkus ay kailangang harapin ni Sereno ang impeachment upang mapanatili ang dignidad at pagiging independyente ng Supreme Court at ng hudikatura.
Magugunitang inihayag pa ni Presidential Spokesman Harry Roque na hindi na dapat hintayin ng chief justice na mahatulan ng impeachment court ng Senado na maaaring makapipinsala sa integridad ng hudikatura bilang isang institusyon.
