Inamin ng pulisya sa Bangladesh na napagkamalan nila ang isang hostage na isa sa mga suspect sa madugong pag-atake sa isang Café.
Matatandaang, inatake ng mga armadong kalalakihan ang Holey Artisan Bakery noong Biyernes kung saan higit sa 20 katao ang namatay.
Nang ilabas ng mga pulis ang 6 na napatay na suspect, napag-alamang kabilang doon ang mismong Pizza Chef ng nasabing Café.
Kinilala ng mga kaanak ang napaslang na si Saiful Islam Chowkidar ngunit itinangging may kaugnayan ito sa grupong Jamaeytul Mujahdeen Bangladesh na siyang umako na sa karahasan.
Samantala, iniimbestigahan pa ng pulisya kung sino ang nakabaril sa hostage.
By: Avee Devierte
