Kumpiyansa ang Malakaniyang na maisasakatuparan din ang pangarap ni Pangulong Rodrigo Duterte na mabago ang porma ng pamahalaan sa pagtatapos ng kaniyang termino sa 2022
Ayon kay Presidential Spokesman Harry Roque, nakatuon ang atensyon ngayon ng Pangulo sa Cha-Cha na posible aniyang maisabay sa gagawing mid-term elections sa 2019
Una nang gumulong sa Kamara de Representantes ang mga hakbang para masimulan na ang proseso para sa pag-aamiyenda ng saligang batas
Habang inaasahang kikilos na rin ang mataas na kapulungan o ang Senado sa pamamagitan ng paghahain ng panukala para sa pagsusulong ng Cha-Cha sa susunod na linggo