Iniulat ng Central Visayas Center for Health Development (CVCHD) na dalawa ang naitala nilang bagong kaso ng coronavirus disease 2019 (COVID-19), kaya’t pumalo na sa 38 ang kanilang virus cases.
Ayon sa data mula sa CVCHD, pawang residente ng Cebu City ang dalawang lalake na nagpositibo sa COVID-19 at mga nasa edad na 59 at 67.
Habang nananatili naman sa walo ang fatalities sa rehiyon at 21 ang nagnegatibo.
Base sa pahayag ng CVCHD, ang Cebu City ang may pinakamataas na COVID-19 cases sa rehiyon na may 25 kaso.
