Patuloy ang apela ni Cagayan De Oro City Mayor Oscar Moreno sa kanyang constituents na tumulong para hindi na tumaas pa ang kaso ng COVID-19 sa lungsod.
Ito ayon kay Moreno ay kasunod nang pagsirit ng kaso ng COVID-19 sa Cagayan De Oro City dulot ng Delta variant ng coronavirus.
Sinabi ni Moreno na nasa kamay ng publiko ang solusyon para hindi na kumalat pa ang virus bukod sa kailangang palakasin talaga ang pagbabakuna kahit pa sabado at linggo.
Inamin ni moreno ang patuloy na pag akyat ng kaso ng COVID-19 sa lungsod na nasa average na isandaang kaso kada araw simula pa nuong Hulyo 26.
