Tinalo ng Cleveland Cavaliers ang Los Angeles Clippers sa score na 115-102.
Kumamada ng 22 puntos at 12 assist si Lebron James habang naka-anim na three points naman si JR Smith.
Nagdagdag din si Kevin Love ng 18 puntos at 16 na board upang mapataob ng Cavs ang Clippers na isa sa mga top contenders ng Western Conference.
Kabilang din ang 21 puntos ni Kyrie Irving na ikinapanalo ng Cavaliers kontra Clippers.
By Avee Devierte
*Photo Credit: cleveland.com
Nanguna sina Kobe Bryant at Stephen Curry sa starting line up ng Western Conference para sa All Star Game na gaganapin sa Pebrero.
Nakakuha si Bryant ng humigit kumulang 1.9 na milyong boto para pangunahan ang line up ng West.
Pumangalawa dito si Curry na nakakuha naman 1.6 na milyong boto.
Magkakasama naman muli sa ikalimang beses sa All Star sina Warriors Point Guard Russell Westbrook at Oklahoma City Thunder Star Kevin Durant.
PBA
Samantala sa PBA naman, target ng Alaska Aces na masungkit ang ikatlong sunod na panalo sa Game 3 ng PBA Cup mamayang gabi.
Itoy upang samantalahin ang hindi pa rin paglalaro ni June Mar Fajardo na siyang alas ng San Miguel Beer dahil sa tinamo nitong injury.
Umaasa naman ang Beermen na magkakaroon ng himala at masisilat nila ang una nilang panalo laban sa Aces.
By Ralph Obina
Desidido si 8-Division World Champion at Sarangani Representative Manny Pacquiao na manalo kontra kay Timothy Bradley sa laban nito sa darating na Abril na gaganapin sa Las Vegas.
Umaasa si Pacquiao na sa oras na manalo siya sa naturang laban ay lalakas ang kanyang kandidatura sa pagka-senador.
Dahil dito, target ni Pacquiao na masungkit ang impresibong panalo upang makatulong sa kanyang kampanya sa pagtakbo sa senado.
By Ralph Obina
*Photo Credit: TopRank
Mariing itinanggi ngayon ni Top Seed Novak Djokovic ang Italian media report na sangkot sa match fixing noong 2007.
Ito ay sa harap ng malaking eskandalo dahil sa umano’y korapsyon sa tennis.
Iginiit ni Djokovic na walang katotohanan na nagpatalo siya sa French tennis player na si Fabrice Santoro sa Paris Masters.
Nahihiwagaan na lamang si Djokovic sa naturang akusasyon lalo pa’t normal lamang naman aniya ang matalo sa isang laban.
Kasabay nito, itinanggi din ni Djokovic na tumanggap siya ng 200,000 dolyar para ilaglag ang kanyang mga laro at magpatalo.
By Ralph Obina
Maagang namaalam sa Australian Open Tennis tournament si dating champion Rafael Nadal matapos pakainin ng alikabok ng kababayang si Fernando Verdasco.
Dahil sa panalo, si Verdasco ang uusad sa ikalawang round ng event na ginaganap sa Melbourne Park sa Australia.
Bukod kay Nadal, nasibak din sa Australian Open si Romanian Simona Halep makaraang matalo sa first round match kay Zhang Shuai ng China.
Maging si seven-times major champion Venus Williams ay namalaam na rin sa torneo nang pataubin ni British Number One Johanna Konta sa Margaret Court Arena.
By Jelbert Perdez
Kinumpirma ni boxing champion Manny Pacquiao na huling laban na niya ang kay Timothy Bradley.
Tiniyak ni Pacquiao na gagawin nyang makasaysayan ang huling pag-apak niya sa lona ng boksing.
Sinabi ni Pacquiao na pumasok siya sa boksing dahil nais niyang makatulong sa kanyang ina at sa kanyang pamilya.
Subalit sa pagtatapos ng kanyang karera sa boksing nais niyang ihandog ang huli niyang laban sa sambayanang Pilipino.
Sa ngayon aniya, prayoridad niya ang makatulong sa kanyang mga kapwa Pilipino.
Sa Abril 10, nakatakda ang laban nina Pacquiao at Bradley.
By Len Aguirre
*Photo and Video Credit: Top Rank Boxing
Hawak na ng Alaska Aces ang 2-0 lead makaraang lampasuhin ang San Miguel Beermen sa Game 2 ng PBA Philippine Cup best-of-seven Finals series kagabi, 83-80.
Umabot pa sa 12 ang kalamangan ng Beermen sa unang quarter ng laro, pero unti-unti itong binura ng Aces sa last quarter.
Pinangunahan ni Vic Manuel ang panalo ng Alaska kung saan nakapagtala ito ng 18 points, 7 rebounds at dalawang shot blocks.
Habang nakapagbuslo naman si Dondon Hontiveros.
By Meann Tanbio
*Photo Credit: inquirer.net
Pinangalanan na ang ilan sa 30 bubuo sa United States Olympic Basketball Squad.
Nangunguna na rito sina NBA Superstars Lebron James at reigning MVP Stephen Curry.
Ang Cleveland Cavaliers star na si James ay three time Olympic medalist at target na pangunahan ang koponan ng US sa Rio de Janeiro Olympics sa darating na Agosto.
Si Curry naman ay isa sa limang manlalaro mula sa NBA champion na Golden State Warriors kung saan makakasama din sa squad sina Klay Thompson, Draymond Green, Harrison Barnes at Andre Iguodala.
Sa 30 manlalaro ay dito pipiliin ang 12 manlalaro na sasabak sa Olympics.
By Ralph Obina
Iniimbestigahan na ng Anti-Corruption Body ng World Tennis ang report na talamak na korupsyon partikular sa game fixing.
Ang hakbang ng TUI o Tennis Integrity Unit ay kasabay nang pagbubukas ng Australian Open.
Nabunyag ang umano’y 16 sa top 50 na manlalaro mula pa noong nakalipas na mga dekada kasama na ang mga grand slam champions ay pinaniniwalaang nasa likod ng game fixing.
Sinasabing isa sa mga manlalarong inalok ng game fixing si Serbian player Novak Djokovic kung saan noong 2007 ay nilapitan ito sa kanyang hotel at inalok ng 200,000 US dollars.
Hindi naman naniniwala si Serena Williams na may game fixing dahil ginagawa niya ang kaniyang makakaya para lamang manguna o magwagi sa anumang tennis match.
By Judith Larino
Pinadapa ng Denver Nuggets ang Indiana Pacers sa score na 129-126.
Ito’y matapos makabuslo si Guard Randy Foye ng tres may 21 segundo ang nalabi sa laro na nagpanalo sa Denver.
Tumipa si Danilo Gallinari ng 23 points habang si Will Barton ay kumamada ng 21 points para sa Nuggets.
Sinasabing kaya kinapos ang Pacers ay dahil sampung atleta lamang nito ang nagpapalitan sa naturang laro.
By Jelbert Perdez
