SPORTS

Makakatulong ang home crowd energy para mapalakas ang kampanya ng Gilas Pilipinas sa Olympic Qualifying Tournament sa Hulyo.

Binigyang diin ito ni Samahang Basketbol ng Pilipinas Executive Director Sonny Barrios kasunod nang pagdaraos sa bansa ng OQT.

Sinabi ni Barrios na hindi dapat maliitin ang ika-anim na miyembro ng starters ng koponan – ang taumbayan, kahit pa maliit ang tiyansang manalo ng Gilas sa OQT at makapaglaro sa Rio Olympics

Tinukoy ni Barrios ang aniya’y pagpapakitang Gilas ng national team sa 2013 FIBA Asia Championships na ginanap din sa bansa.

Inaasahang ngayong araw na ito ay i-aanunsyo ng FIBA ang lima pang koponan na makakasama ng Gilas sa Manila Qualifiers.

By  Judith Larino

Nasungkit ng Cleveland Cavaliers ang una nilang panalo sa ilalim ng bago nilang coach na si Tyronn Lue.

Ito ay matapos sibakit noong weekend ang dati nilang coach na si David Blatt.

Pinataob ng Cavs ang Timberwolves sa iskor na 114-107.

Nanguna pa rin siyempre sa panalo ng Cavs si NBA MVP Lebron James na nakakopo ng 25 puntos.

Susunod namang makakalaban ng Cavs ay ang koponan ng Phoenix Suns sa darating na Huwebes, oras dito sa Pilipinas.

By  Ralph Obina

Target ni Timothy Bradley na tamaan ng suntok ang kanang balikat ni Manny Pacquiao.

Inamin ito mismo ni Bradley bilang bahagi ng kanyang diskarte sa kanilang sagupaan sa April 9 sa MGM Grand sa Las Vegas.

Sinabi ni Bradley na bilang smart boxer ay kailangan niya ng diskarte at gagawin niya ito kung ito ang tanging paraan para talunin ang Pinoy boxer.

By  Judith Larino  

*Photo Credit: Top Rank

Pinangunahan nina Trevor Ariza at James Harden ang panalo ng Houston Rockets kontra Dallas Mavericks.

Napag-iwanan ng husto ng Rockets ang Mavericks sa iskor na 115-104.

Sumikwat ng 29 na puntos si Ariza habang nakapagtala naman ng triple double si Harden.

Ito’y makaraan makakopo ng 23 puntos, 15 rebounds at 10 assists si Harden.

Samantala, di naman sumapat ang 31 puntos ni Chandler Parsons para maipanalo ang Mavericks.

By  Ralph Obina 

Nakabawi ang San Miguel Beer sa overtime ng Game 4 ng PBA Cup Best of Seven Finals series laban sa Alaska Aces.

Pinangunahan ni San Miguel Guard Marcio Lassiter ang panalo ng tropa matapos gumawa ng 26 points habang si Espinas naman ay naka-21 points.

Nagsilbi namang highest scorer sa Alaska ang power forward na si VIC Manuel na gumawa ng 20 points.

Naitala sa 110-104 ang final score at itinakda sa Miyerkules ang Game 5.

By  Judith Larino  

*Photo Credit: inquirer.net

Pinabulaanan ni Lebron James na may kinalaman siya sa pagkakasibak ng Head Coach ng Cleveland Cavaliers.

Sa katunayan ay ikinagulat pa nga raw ni Lebron na hindi na pala si Dave Blatt ang coach ng nasabing koponan.

Una nang napaulat na hindi maganda ang relasyon ni Blatt sa mga manlalaro ng Cavaliers.

Gayunpaman, nagpapasalamat pa rin si Blatt sa kabila ng kanyang sinapit.

Sa ngayon ay si Tyron Lue na ang Head Coach ng Cavs.

By: Avee Devierte

Umaasa ang Samahang Basketbol ng Pilipinas o SBP na makapaglalaro para sa Gilas Pilipinas sa FIBA Olympic Qualifier sa hulyo  si San Miguel Beermen Center Junmar Fajardo.

Magugunitang nagtamo ng injury si Fajardo sa 2016 PBA all-Filipino Cup Semi-Finals game ng beermen kontra Rain or Shine Elasto Painters at hindi nakapaglaro ng tatlong games sa  finals kontra Alaska Aces.

Ayon kay SBP Executive Director Sonny Barrios, hindi nakasama ng Gilas  ang tinaguriang “The Kraken” sa 2015 FIBA Asia Championship sa China kung saan nakasungkit ng silver medal ang  Philippine Team.

Wala anyang katulad na player si Fajardo kaya’t matindi ang pananalig ng sbp na mabilis na makarerekober ang Cebuano player mula sa natamong injury sa tuhod.

Samantala, lalarga na ang game 4 ng do-or-die match na bahagi ng best of seven series sa pagitan ng Alaska at SMB sa Philsports Arena, Pasig City, mamayang 5:00 ng hapon.

Hawak ng Aces ang kartadang 3-0 at sa oras na manalo sa game 4  ay otomatikong kampyon na ito sa All-Filipino Cup at sakaling sumungkit ng isang panalo ang Beermen ay magkakaroon ng game 5.

By: Drew Nacino

Sinibak ng Cleveland Cavaliers team ang kanilang head coach na si David Blatt, apat na araw matapos makatikim ng matinding pagkatalo ang Cavs sa NBA Season noong laban nito sa Golden State Warriors kung saan ang score ay 83-40 pabor sa Warriors.

Paliwanag ng General Manager ng Cavs na si David Griffin, hindi na akma si Blatt sa kanilang mga tauhan at sa kanilang vision bilang elite team.

Kung matatandaan, si Blatt ang tumulong sa Cavs na makarating sa NBA Finals noong nakaraang taon.

Samantala, kinumpirma ni Griffin na ang papalit kay Blatt ay ang top assisstant ng koponan na si Tyronn Lue na siyang magiging full time coach ng Cavs.

By  Jonathan Andal  

Isang hakbang na lang ang Alaska Aces para masungkit ang kampeonato sa PBA Philippine Cup.

Ito ay makaraang padapain ng Alaska sa ikatlong sunod na pagkakataon ang koponan ng San Miguel sa iskor na 82-75.

Maganda na sana ang simula ni JR Reyes nang San Miguel na kumamada agad ng 13 puntos.

Pero agad ding natapos ang gabi para kay Reyes na napatalsik sa laro makaraang mapatawan ng foul penalty two.

Ito ay matapos na masiko ni Reyes ang itinanghal na Player of the Game na si Vic Manuel ng Aces.

Hanggang kagabi ay ramdam ng Beermen ang pagkawala ni June Mar Fajardo na nagpapagaling pa rin sa tinamo nitong injury noong semi finals.

Gaganapin ang Game 4 sa pagitan ng Aces at Beermen sa darating na Linggo sa Philsports Arena.

By  Ralph Obina 

*Photo Credit: PBA Images/ Inquirer.net