SPORTS

Nasungkit ng Miami Heat ang ika-apat na sunod nilang panalo.

Ito ay matapos idispatsa ng Heat ang kalabang Atlanta Hawks sa iskor na 105-87.

Nag-init nang husto sa laro si CHRIS Bosh para pangunahan ang Heat sa pamamagitan ng kanyang 18 puntos na sinegundahan naman ni Dwyane Wade na nakapag-ambag ng 17 points.

Samantala, bigo naman sina Paul Millsap at Al Horford ng Atlanta upang mapigilan ang pag-alagwa ng Heat.

By Ralph Obina 

*Photo Credit: Jim Rassol / Sun Sentinel    

Pinakain ng alikabok ni World Number One Novak Djokovic si Andy Murray sa tatlong straight sets dahilan upang masungkit ang ika-anim na korona sa Australian Open.

Nakuha ng Serbian tennis player ang panalo sa loob ng dalawang oras at 53 minutong laro ng dalawa kaya’t naigawad din kay Murray ang ika-lima nitong pagkatalo sa Melbourne Park Final.

Dahil naman sa tagumpay na ito ay napantayan ni Djokovic ang rekord ni Australian Roy Emerson na nagwagi rin sa katulad na torneo ng anim na beses sa pagitan ng 1961 at 1967.

Ito rin ang ika-11 grand slam title ni Djokovic sa kanyang karera na naglagay sa kanya sa fifth place na nagawa rin nina Rod Laver at Bjorn Borg kasunod ni Roger Federer.

By Jelbert Perdez 

Tagumpay ang defending champion San Miguel Beer na maitawid hanggang Game 7 ng PBA Philippine Cup Finals kontra Alaska.

Bagamat isang panalo na lamang ang kailangan ng Aces para masungkit ang kampeonato, bigo ang Alaska makaraang talunin ng Beermen sa iskor na 100-89.

Nanguna sa tagumpay ng San Miguel si Marcio Lassiter na kumopo ng 26 na puntos.

Muli namang naglaro para sa San Miguel si June Mar Fajardo na nakapag-ambag naman ng 16 na puntos.

Makasaysayan ang labang ito dahil sa wala pang koponan sa NBA ang umaabot sa Game 7 na mula sa unang tatlong sunod na pagkatalo.

Ang salpukan ng San Miguel at Alaska sa Game 7 ay gaganapin sa darating na Linggo.

By  Ralph Obina  

*Photo Credit: inquirer.net

Pasok sa line-up ng National Basketball Association (NBA) Western Conference team sina Golden State Warriors Forward Draymond Green at Klay Thompson para sa 2016 All-Star game na gaganapin sa February 14 sa Toronto.

Makakasama nina Green at Thompson sa All-Star team si MVP Stephen Curry.

Samantala, kabilang sa Western Conference reserves sina Anthony Davis (New Orleans Pelicans), Chris Paul (Los Angeles Clippers), James Harden (Houston Rockets) at La-Marcus Aldridge (San Antonio Spurs).

Habang ang mga reserves naman sa Eastern Conference ay binubuo nina Paul Millsap (Atlanta Hawks), Chris Bosh (Miami Heat), Jimmy Butler (Chicago Bulls), John Wall (Washington Wizards), Isaiah Thomas (Boston Celtics), Andre Drummond (Detroit Pistons) at Demar Derozan (Toronto Raptors).

By  Meann Tanbio  

Pasok na sa finals si Serbian star Novak Djokovic matapos talunin sa semifinal round ng Australian Open si Swiss star Roger Federer.

Umabanse si Djokovic matapos manalo sa dalawang set sa ika-10 beses na paghaharap nila ni Federer sa grand slam semifinals kung saan may 6 na panalo na ang Serbian star.

Nakatakdang harapin ng number one seeded sa torneo sa finals ang sinumang mananalo sa pagitan nina Andy Murray at Milos Raonic.

Tiwala si Djokovic na mapapasakamay niya ang ika-anim na titulo sa Australian Open.

By Judith Larino

Pasok na sa finals ng Australian Open si World Number One at defending champion Serena Williams.

Ito ay matapos idispatsa nang walang kahirap-hirap ni Williams ang kalabang si Agnieszka Radwanska sa iskor na 6-0, 6-4.

Tumagal lamang ang salpukan nina Williams at Radwanska ng 64 na minuto.

Dahil dito, buhay na bahay ang pag-asa ni Williams na masungkit ang ika-pitong kampeonato nito sa Australian Open at ika-22 grand slam title nito.

Makakaharap sa finals ni Williams ang sinumang mananalo sa pagitan nila Johanna Konta ng Britanya at Angelique Kerber ng Germany.

By  Ralph Obina  

Kinuha si San Antonio Spurs handler Gregg Popovich bilang coach ng Western Conference para sa 65th NBA All-Star game.

Ito ang ika-apat na pagkakataon na mamanduhan ni Popovich ang West All-Stars.

Gaganapin ang bakbakan sa pagitan ng mga manlalaro ng East at West sa February 14 sa Toronto.

Samantala, kinuha rin si Popovich bilang bagong head coach ng team USA bilang kapalit ni Mike Krzyzewski matapos ang 2016 Rio de Janeiro Olympics.

By  Meann Tanbio  

Bigo ang Alaska Aces na makuha ang kampeonato sa Game 5 ng kanilang finals series ng San Miguel Beermen sa PBA Philippine Cup.

Napasakamay ng Beermen ang ikalawang sunod na panalo sa overtime game sa pangunguna ni June Mar Fajardo matapos maposte sa 86-73 ang final score.

Dahil dito, kapwa determinado ang magkabilang team na manalo sa Game 6 bukas.

Kapag nanalo sa Game 6 bukas, kampeon na ang Alaska sa Philippine Cup samantalang matinding bakbakan naman sa Game 7 ang aasahan kapag nanalo bukas ang Beermen.

By  Judith Larino

*Photo Credit: inquirer.net/ PBA

Pumanaw na si Philippine basketball icon Caloy Loyzaga dahil sa stroke sa edad na 85.

Kinumpirma ng anak ni Loyzaga na si Chito na binawian ng buhay ang kanyang ama sa Cardinal Santos Medical Center kaninang alas-7:30 ng umaga.

Si Loyzaga ay isa sa mga tinitingalang Filipino basketball player of all time.

Nagawa niyang maipasok ang bansa sa Olympics noong 1952 at 1956; at maging sa FIBA World Championship noong 1954.

By  Meann Tanbio