SPORTS

Inaasahang mas magiging pahirapan para sa Gilas Pilipinas ang paglusot sa Olympic qualifying tournament na gaganapin sa Hulyo.

Ito ay matapos ianunsyo ni San Antonio Spurs Point Guard Tony Parker na lalahok ito sa naturang qualifying tournament para sa koponan ng France.

Ayon kay Parker, wala nang hadlang pa sa kanyang paglalaro para sa France matapos siyang payagan ng kanyang asawa na lumaban bilang kinatawan ng kanilang bansa.

Una rito, pinipigilan si Parker ng kanyang asawa dahil sa nakatakda nitong isilang ang kanilang anak sa ikalawang linggo ng Hulyo.

Pero sinabi ni Parker na sa huli ay nagkasundo rin aniya silang mag-asawa sa kondisyong dapat itong mag-uwi ng medalya.

Dagdag pa ni Parker na isa itong malaking sakripisyo ngunit excited na aniya siyang pangunahan ang France hanggang sa Rio Olympics na gaganapin naman sa Agosto.

By   Ralph Obina

Sinibak ng New York Knicks ang head coach na si Derek Fisher.

Nagpasya si Knicks President Phil Jackson na sibakin si Fisher matapos makalasap ang koponan ng 5 sunod na pagkatalo at pang-siyam na pagkatalo sa nagdaang 10 laro.

June 10, 2014 nang kunin ni Jackson si Fisher para maging coach ng New York Knicks matapos mabigong makuha si Steve Kerr na napunta sa Golden State Warriors.

Bagamat nadismaya dahil sa pagkakasibak sa kanya, pinasalamatan ni Fisher si Jackson, Madison Square Garden Chairman James Dolan, gayundin ang kanyang players at staff.

Sa kasalukuyan, nasa pang-12 puwesto ang Knicks sa Eastern Conference.

By  Meann Tanbio      

Nasungkit ng Denver Broncos ang kampeonato kontra Carolina Panthers sa Super Bowl 50.

Tinalo ng Broncos ang Panthers sa iskor na 24-10.

Maagang nakagawa ng kalamangan ng Broncos at mula noon ay hindi na lumingon pa pabalik dahilan upang masiguro ng Denver ang kanilang unang panalo sa loob ng 17 taon.

Ito na ang ikatlong national football league champions na napasakamay ng Broncos.

By  Ralph Obina 

*Photo Credit: the guardian/  Al Bello/Getty Images  

Nakamit ng Portland Trail Blazers ang ika-25 panalo nang magtagumpay ito kontra houston rockets sa score na 96-79.

Sa pangunguna ni Damian lIllard na nakakamada ng 21 puntos, naungusan ng  Trail Blazers ang rockets habang nakatulong nang husto ang 9 na rebound ni Ed Davis.

Samantala, sa panig ng rockets, hindi umubra ang tatlumpu’t tatlong puntos ni James Harden at 14 na rebound ni Dwight Howard.

By: Avee Devierte

Diskumpyado pa si Coach Freddie Roach na mapapabagsak ni Manny Pacquiao si Timothy Bradley sa laban nila sa Abril.

Ayon kay Roach,  147 lbs na si Pacquiao at hindi naman ito “big puncher” kaya masuwerte ito kapag mapatumba si Bradley.

Sinabi ni Roach na noong nasa 140 lbs si Pacquiao, doon napakadali nitong mapabagsak ang kalaban.

By: Avee Devierte

Muli umanong magbabalik sa National Basketball Association o NBA si dating Barangay Ginebra San Miguel import Orlando Johnson.

Ito’y matapos mapaulat na pinalagda ito ng 10-day contract ng Phoenix Suns.

Ang 26-anyos na si Johnson na second round pick sa 2012 NBA draft ay naging import ng Gin Kings sa Governors’ Cup noong nakaraang season.

Matatandaang sa unang pagsabak ni Johnson sa piling ng Ginebra ay kumamada agad ito ng 50 points.

By  Jelbert Perdez  

*Photo credit: nba.com 

Pinangunahan ni Corey Brewer ang panalo ng Houston Rockets kontra Phoenix Suns sa iskor na 111-105.

Kumana ng 24 na puntos si Brewer na sinegundahan naman ni Trevor Ariza na nakasikwat 22 puntos.

Inalat naman sa laro sina James Harden na nakagawa lamang ng 17 puntos.

Sa panig naman ng Suns, kinapos ang 22 puntos ni Archie Goodwin para maiangat ang kanilang koponan sa kalamangan ng Rockets.

By Ralph Obina