SPORTS

Sa ikalawang pagkakataon ay muling itinanghal na Most Valuable Player (MVP) si Russel Westbrook para talunin ng West ang East team sa katatapos lamang na 2016 NBA All Star na ginanap sa Toronto Canada.

Si Westbrook na point guard ng Oklahoma City Thunder ay kumamada ng kabuuang 31 points para pangunahan ang West. Sinundan naman ito ni Stephen Curry na nagtala ng 26 points kasama na ang dramatic 3-pt shoot nito sa huling 2 segundo ng laro.

Pinangunahan naman ni Paul George ang East sa pag bandera ng 41 points.

Samantala, ginawaran si Los Angeles Lakers’ star Kobe Bryant ng isang tribute bago nagsimula ang laro sa pagitan ng East at West. Itinampok sa isang video presentation ang makabuluhang kontribusyon ng magreretirong basketbolista kabilang na ang kanyang hindi matawarang career highlights.

Kinilala din ng kapwa players ang halaga ni Bryan sa liga. Ito na ang ika-18 at huling all star apperance ni Bryant.

By: Mark Makalalad

Balik-ensayo na si dating UFC Women’s Bantamweight Champion Ronda Rousey.

Ito ay matapos ang masaklap nitong pagkatalo sa kamay ni Holly Holm noong nakaraang taon.

Makikita sa mga larawan na nakikipag-sparring na itong si Rousey sa kanyang trainer na si Edmond Tarverdyan.

Sa kabila ng pagkatalo, mananatili trainer ni Rousey si Tarverdyan.

Una rito, binatikos ng ina ni Rousey ang trainer nito na binansagang terrible coach .

Inaasahang sa Nobyembre ay muling magbabalik sa lona si Rousey.

By  Ralph Obina  

*Photo Credit: Jake Michaels/The NY Times/Redux  

Mismong si boxing hall of fame Freddie Roach na ang umaming natalo si Sarangani Rep. Manny Pacquiao sa laban nila ni American undefeated boxer Floyd Mayweather Jr. noong Mayo ng nakalipas na taon.

Taliwas ito sa paniniwala ng marami na si Pacquiao ang nanalo sa laban at dinaya lamang umano ito ni Mayweather.

Ayon kay roach, dala ng injury kaya’t hindi talaga nagawa ni Pacman ang kanyang misyong pataubin si Mayweather.

Bagama’t ayaw na niyang panooring muli ang tinaguriang Fight of the Century, nais pa rin niyang mapanood ang muling paghaharap ng dalawa sa parisukat na lona.

By  Jaymark Dagala  

Muling pinangunahan ni reigning MVP Stephen Curry ang Golden State Warriors para sa kanilang panalo kontra Phoenix Suns.

Nabigo ang Suns na makahabol sa kalamangan ng Warriors kung saan natapos ang laban sa iskor na 104-112 pabor sa Golden State.

Si Curry ay nakapagtala ng 26 na puntos, 9 na rebounds at 9 na assist.

Ito na ang ika-11 sunod na panalo ng Warriors ngayong season.

By  Ralph Obina

Pinadapa ng Meralco Bolts ang Star Hotshots sa score na 90-86 sa PBA Commissioner’s Cup sa Smart-Araneta Coliseum.

Bagama’t dumating ang import na si Arinze Onuaku ng 24 oras bago ang laro ay nakakamada pa rin ito ng 25 points at 22 rebounds para sa bolts.

Si Chris Newsome naman ay nag-ambag ng 16 points habang Cliff Hodge ay tumipa ng 12 points para sa koponan.

Nakalayo sana ang Meralco sa Star nang gumawa ito ng late rally kaya’t nakadikit ito sa score na 88-86.

Subalit nagpasabog naman ang Bolts ng 16-6 run sa bandang huli dahilan upang matalo ang Hotshots.

By Jelbert Perdez

Inilampaso ng Toronto Raptors ang kalabang Detroit Pistons sa iskor na 103-89.

Pinangunahan ni Andre Drummond ang panalo ng Raptors ang panalo ng Raptors makaraang makasikwat ng 29 na puntos.

Sinegundahan din ito ni Terrence Ross na kumana naman ng 18 puntos.

Dahil dito, nasa ikalawang pwesto na sa Eastern Conference ang Raptors na mayroon nang kabuuang 14 na panalo.

By   Ralph Obina