SPORTS

Nakapagtala ng panibagong record si world number 1 Serena Williams matapos talunin si Yaroslava Shvedova ng Kazakhstan sa quarterfinal ng US Open.

Pumapalo na sa 308 ang naitalang panalo ng US tennis star.

Ang nasabing panalo ni Serena ay naitalang pinakamaraming panalo at nahigitan na aniya nila si Roger Federer.

Sunod na makakalaban ni Serena Williams si Fifth Seed Romanian Simona Halep para sa next round.

By Judith Larino  

Tanggal na sa US Open si 14-time grand slam champion Rafael Nadal.

Ito ay makaraang idispatsa si Nadal ng kalabang French tennis player na si Lucas Pouille sa pamamagitan ng limang set.

Ayon kay Nadal, ginawa naman niya ang lahat ngunit sadyang hindi aniya para sa kanya ang larong iyon.

Samantala, todo naman ang kagalakan ni Pouille na dati ay pinapanood lamang ang mga laban ni Nadal sa telebisyon noong siya ay bata pa at ngayo’y siya na ang tumatalo dito.

Dahil sa panalo, abanse na ang pambato ng France sa quarter finals ng US Open.

By  Ralph Obina   

Kapwa hindi pinalad at umuwing luhaan ang mga koponang MERALCO Bolts at Rain or Shine Elasto Painters.

Ito’y makaraang talunin sila ng Star Hotshots at ng NLEX Road Warriors sa pagpapatuloy ng elimination round ng PBA Governor’s Cup.

Halos gahibla ang lamang ng Hotshots kontra bolts sa score na 104-103 habang tambak naman ang Painters sa NLEX sa iskor na 111-99.

Naging susi sa pagkapanalo ng Hotshots ang buzzer beater shot ng import na si Joel Wright sa natitirang point 7 seconds laban sa Bolts.

Habang bumida naman si Garvo Lanete ng Road Warriors nang makabuslo ito ng 23 puntos.

Dahil dito, tabla na sa 4 wins at 5 loss ang kartada ng Warriors at Painters sa nasabing torneo.

By Jaymark Dagala     

Photo Credit: PBA Images     

Umarangkada na ang   Season 79 ng University Athletic Association of the Philippines sa pangunguna ng host na  University of Santo Tomas.

Isinagawa ang seremonya sa  UST Campus sa España boulevard, Maynila, kahapon.

Daan-daang atleta mula sa walong participating UAAP schools ang lumahok sa simpleng opening ceremony subalit maihahalintulad sa Olympic Games.

Lalarga  ang unang game ng senior men’s basketball ng Season 79 mamayang alas dos ng hapon sa pagitan ng University of the Philippines fighting MAROONS at Adamson University Falcons, sa Araneta Coliseum, Quezon city.

Matapos nito ay haharapin naman ng host school na UST Growling Tigers ang Ateneo de Manila University Blue Eagles, alas kwatro ng hapon.

By: Drew Nacino

Nagpasabog ng 35 points ang Rain or Shine sa 4th quarter kaya’t nadurog nito ang Mahindra sa score na 103-88 sa PBA governors’ cup sa Araneta Coliseum.

Si Raymond Almazan ang nanguna sa Elasto Painters taglay ang kanyang 14 points habang nag-ambag naman si Beau Belga ng 13 points, eight rebounds at four assists.

Nakahakot din ng double figures ang iba pang pambato ng Rain or Shine na sina Paul Lee, Jericho Cruz at Jeff Chan.

Dahil sa panalo ay umakyat ang kartada ng elasto painters sa 4-4 sa pba standings habang nalugmok ang mahindra sa 6-3.

Sa isa pang laro, pinadapa naman ng Phoenix Fuel Masters ang Star Hotshots sa score na 106-93.

Ang omport na si Eugene Phelps ang nanguna sa panalo ng Phoenix na humakot ng 45 points at 17 rebounds.

By Jelbert Perdez

Lusot na sa third round ng US Open ang Wimbledon champions na sina Serena Williams at Andy Murray.

Ang world number one na si Williams, madaling naidispatsa ang kapwa American tennis player na si Vania King sa iskor na 6-3 at 6-3.

Dahil dito buhay na buhay ang pag-asa ni Williams na masungkit ang ika -pitong US Open title nito.

Samantala, malaking hamon naman para kay Murray ang paglalaro sa ilalim ng may bubong na arena dahil sa malakas na pagbuhos na ulan.

Bukod aniya kasi sa ingay ng malalaking patak ng ulan sa bubong ay napakaingay din umano ng crowd kung saan ay hirap na aniya siyang marinig kung tumatama sa raketa ang bola.

Sa kabila nito wagi pa rin si Murray sa kanyang kalabang si Marcel Granollers sa iskor na 6-4, 6-1, 6-4.

By  Ralph Obina 

Hindi maipaliwanag ni Filipino boxing champion Nonito ‘The Filipino Flash’ Donaire ang kagalakan na mapasama sa laban ni boxing champion Manny Pacquiao.

Ayon kay Donaire, matagal na niyang pangarap ang makasabay sa laban ang boxing senator dahil maipapakita nya ang suporta rito.

Sinadya ni Top Rank big boss Bob Arum na pagsabayin ang dalawang Pinoy boxer bilang alay na rin sa mga boxing fans.

Naglaaan din ito ng 6,800 na upuan para sa mga Pinoy fans sa halagang $50.

Magugunitang magiging co-event ang pagdepensa ni Donaire ng kanyang WBO Super Bantamweight crown Jessie Magdaleno sa laban ni Pacquiao kay Jessie Vargas sa Nobyembre 5 sa Las Vegas.

By Mariboy Ysibido