SPORTS

Pormal nang ini-award kay Olympic silver medalist Hidilyn Diaz ang titulo ng house and lot bilang bahagi ng kanyang incentives.

Nasa Clark Field, Pampanga ang bahay at lupa.

Batay sa kasunduan sa memorandum of agreement ng Philippine Sports Commission at DECA Homes’ Holding Company na 8990 Holdings, si Diaz ang pumili ng lugar sa lote na gusto na nagkakahalaga ng P450,000.

Una nang tumanggap ng halos P10 milyon na cash incentives si Diaz dahil sa kanyang malaking achievement na naibigay sa Pilipinas.

Inabot din ng dalawang dekada bago muling nakatikim ng Olympic medal ang bansa.

By Mariboy Ysibido 

Hindi naging madali para sa Olympic defending basketball champion na team USA para makuha ang ikatlong sunod nilang panalo sa nagpapatuloy na 2016 Rio Olympics.

Ito ay dahil sa pinahirapan muna sila ng husto ng kalabang Australia bago tuluyang nanalo sa iskor na 98-88.

Ayon kay Carmelo Anthony na nanguna sa tagumpay ng team USA, nahirapan sila ng husto at tila hindi aniya lumabas ang 100 porsyento ng kanilang laro kontra Australia.

Si Anthony ay kumana ng 31 puntos kung saan ay naungusan nito ang kanyang kapwa NBA stars at ka-team na sina David Robinson at Lebron James.

Samantala, kahit pa namumulaklak sa NBA players ang team USA, hindi naman nagpasindak ang koponan ng Australia.

Ayon kay Matthew Dellavedova, buo aniya ang kanilang loob na kaharapin ang kahit sinong koponan.

Matatandaang 14 na ang gintong medalya ng US olympic basketball team sa 17 Olympics na kanilang sinalihan.

By   Ralph Obina 

Photo: Getty Images/ Fox Sports

Limang milyong piso at bagong bahay at lupa ang naghihintay na gantimpala para kay Rio Olympics silver medalist Hidilyn Diaz.

Ayon kay Diaz, sa pamamagitan ng kanyang matatanggap na cash prize ay mabibili na niya ang lupa na kinatitirikan ng kanilang bahay sa Zamboanga City.

Plano ni Diaz na magtayo doon ng weightlifting gym upang makapag-training ng mga bagong weightlifter.

Siniguro naman ni Philippine Sports Commission Chair Butch Ramirez ang nangako ng realtor at developer na Deca Homes na brand new house and lot sa bawat Pilipinong manlalarong makakasungkit ng medalya sa Rio Olympics.

Blessing

Nagbunyi ang pamilya ni Hidilyn Diaz sa Zamboanga City makaraang makasungkit ang Pinay weightlifter ng silver medal sa 31st Olympic Games sa Rio de Janeiro, Brazil.

Ayon kay Emelita Diaz, isang magandang regalo para sa kanyang kaarawan noong Linggo ang pilak na medalyang napanalunan ng anak na si Hidilyn.

Aminado naman si Mang Eduardo na hindi matatawaran ang husay ng anak sa weightlifting dahil 9 na taong gulang pa lamang ito ay nagpakita na ng interes sa naturang sport.

Samantala, umaasa ang dating coach ni Hidilyn na si Bong Atillano na hindi “lalaki ang ulo” ng Pinay Olympic medalist sa kabila ng tagumpay na nakamit nito.

Naka-silver medal ang atleta sa 53 kilogram sa Group A ng Women’s event kung saan kabilang sa kanyang nakalaban sina Hsu Shu-Ching ng Chinese Taipei na naka-gold at Yoon Jin-Hee ng South Korea na naka-bronze.

Hero’s welcome

May aasahang hero’s welcome si Rio Olympics silver medalist Hidilyn Diaz sa pagbalik nito sa bansa mula sa Brazil.

Ayon mismo kay Pangulong Duterte, napabilib siya sa ipinakitang galing ng atletang Pinay na mula sa Mindanao.

Pinasalamatan ng Pangulong Duterte si Diaz sa karangalang ibinagay nito sa bansa.

Bahagi ng pahayag ni Pangulong Rodrigo Duterte

By  Rianne Briones | Ralph Obina

Bigo ang Filipino boxer na si Rogen Ladon sa Colombian na si Yuberjen Herney Martinez Rivas sa kanilang laban sa light Fly 49 kilogram sa Rio Olympics.

Nakuha ng Colombian boxer ang unanimous decision 3-0.

Susunod naman na makakaharap ng Colombian boxer si Samuel Carmona Heredia ng Spain para sa quarterfinals.

By  Mariboy Ysibido 

Photo Credit: AFP