SPORTS

Angelique Kerber laglag na sa 3rd round ng Wuhan Open

Laglag na sa Wuhan Open si number one ranked tennis player na si Angelique Kerber.

Ito ay matapos siyang pataubin ni Petra Kvitova sa ikatlong round ng naturang torneo sa iskor na 6-7, 7-5 at 6-4.

Ayon sa ulat, nahirapan nang husto si Kerber at nakapagtala ng walong double faults.

Sinabi ni Kerber na parehas silang nagbigay ng 100 porsyento kayat sa kabila ng pagkatalo ay naging maganda naman aniya ang laban.

Matatandaang si Kerber ang nagpatalsik kay Serena Williams sa pangunguna sa world rankings.

By Ralph Obina

September 29, 2016 0 comment

SPORTS

Beermen nakatabla na sa Gin Kings sa PBA semifinals series

written by DWIZ 882

Tumabla ang San Miguel Beemen sa Ginebra Gin Kings sa Game 2 ng best of five semifinals ng PBA Governors’ Cup.

Ito’y makaraang malamangan ng Beermen ang Gin Kings sa nasabing laban na nagtapos sa score na 95-92.

Dalawampu’t limang puntos ang naibuslo ni Elijah Milsap ng Beermen dahilan upang manguna ito sa nasabing laban.

Labing walong (18) puntos naman ang naibuslo ni June Mar Fajardo sa kabila ng iniindang injury nito habang nakapag-ambag din sina Alex Cabangot at Ronald Tubid.

By Jaymark Dagala

Photo Credit: PBA Images

September 29, 2016 0 comment

SPORTS

Tim Duncan magiging bahagi pa rin ng Spurs

written by DWIZ 882

Mananatili pa rin sa San Antonio Spurs ang dati nilang forward na si Tim Duncan.

Ayon kay Spurs Coach Greg Popovich, magiging bahagi ng coaching staf ang retired legend na si Duncan.

Gayunman, hindi malinaw sa ngayon aniya kung anong partikular na papel ang ibibigay nila dito.

Matatandaang nitong Hulyo ay tuluyang tinapos ni Duncan ang 19 na season career nito sa ilalim ng Spurs.

By Ralph Obina

September 28, 2016 0 comment

SPORTS

TNT wagi kontra Bolts sa Governors’ Cup semis

written by DWIZ 882

Nasungkit ng TNT Katropa ang 1-0 lead sa kanilang best-of-five semifinals series laban sa Meralco Bolts sa PBA Governors’ Cup.

Walang awang pinadapa ng Katropa ang kanilang sister team nang maisukbit ang 113-95 victory sa kanilang series opener.

Kumamada si Asian Import Michael Madanly ng 22 points habang tumipa si Rookie of the Year candidate Troy Rosario ng 16 markers para sa katropa.

Nagpasabog din si Mychal Ammons ng 15 points habang nag-ambag ng 14 points si Jayson Castro at 12 markers naman mula kay Ranidel de Ocampo.

Gitgitan ang labanan sa unang dalawang quarter pero mas nanaig sa third quarter ang katropa hanggang sa fourth quarter ng laro.

By Jelbert Perdez

Photo Credit: PBA Images

September 28, 2016 0 comment

SPORTS

Career ni Chris Bosh sa Miami Heat tapos na ayon sa pamunuan ng koponan

written by DWIZ 882

Masakit man sa kanilang kalooban, nagpahiwatig ngayon ang pangulo ng Miami Heat na si Pat Riley na tapos na ang karera sa koponan ni Chris Bosh.

Ito ay makaraang bumagsak sa physical test si Bosh sa hindi sinabing dahilan.

Matatandaang dalawang malaking season din nawala si Bosh dahil sa blood clot nito sa binti.

Ayon kay Riley, hindi na nila inaasahan ang pagbabalik sa hinaharap ni Bosh sa Heat at kinailangan aniyang maghanda ng koponan para sa susunod na season nang walang Bosh na inaasahan.

Umaasa naman si Riley na hindi gaano magiging malaki ang impact ng pagkawala ni Bosh.

By Ralph Obina

September 27, 2016 0 comment

SPORTS

Gintong medalya nasungkit ng Pinay Jiu-Jitsu fighter sa 2016 Asian beach games sa Vietnam

written by DWIZ 882

Mayroon nang gintong medalya ang Pilipinas sa 2016 Asian beach games na ginagawa sa Vietnam.

Ito ay matapos magtagumpay si Margarita Ochoa sa women’s 45 kilo division sa Ju-Jitsu, laban kay Suwanan Boonsorn ng Thailand, sa finals kagabi.

Una nang tinalo ni Ochoa ang gold medalist sa world Jui-jitsu championship na si Do Thu Ha ng Vietnam sa quarterfinals at Dinara Jumadurdyyeva ng Turkmenistan sa semifinals.

Maliban sa gintong medalya na nakuha ni Ochoa, mayroon na din isang silver at apat na bronze medals ang bansa.

By Katrina Valle

September 26, 2016 0 comment

SPORTS

Arthur Villanueva, muling pinataob ang mehikanong si Juan Jimenez sa rematch

written by DWIZ 882

Nananatiling WBO Asia Pacific Bantamweight Champion si “king” Arthur Villanueva.

Ito ay matapos niyang ma – knock out ang mehikanong si Juan Jimenez sa kanilang rematch sa Stubhub Center sa Carson, California.

Natapos ang rematch sa ikalawang round matapos bumagsak si Jimenez at kailanganing tawagin ang doktor.

Unang nagharap sina Villanueva at Jimenez noong may 2016, kung saan na knock out din si Jimenez.

By: Katrina Valle

September 25, 2016 0 comment

SPORTS

San Miguel beermen pasok na sa semifinals ng PBA cup

written by DWIZ 882

Pasok na sa semifinals ang defending champion San Miguel Beermen matapos lampasuhin ang NLEX road warriors, 114-110.

May twice-to-beat advantage sa road warriors ang second-seeded beermen na nagtapos sa eliminations sa 8-3 record at makakaharap ang mananalo sa pagitan ng Barangay Ginebra at Alaska sa semifinals.

Naghakot si Elijah Millsap ng 39 points at 11 rebounds para pangunahan ang panalo ng Beermen.

Proud at masaya naman si San Miguel head coach Leo Austria sa naging performance ni Millsap.

By: Mariboy Ysibido

September 24, 2016 0 comment

SPORTS

Kampo ni Pacquiao minaliit ang kakayahan ni Jessie Vargas

written by DWIZ 882

Minaliit ng kampo ni 8-division World Champion Manny Pacquiao ang kakayahan ni WBO Welterweight Champion Jesse Vargas.

Ayon sa strength and conditioning coach ni Pacquiao na si Justine Fortune, wala namang siyang nakitang ispesyal kay Vargas upang maging susi nito sa pagtalo kay Pacquiao.

Sinabi pa ni Fortune na maliit si Vargas at malayo rin aniya sa kalibre nina Golden Boy Oscar dela Hoya at Mexican warrior na si Juan Manuel Marquez.

Una rito, nangako si Vargas na kanyang ipaghihiganti sa laban nila ni Pacquiao ang mga Mexican legends na tinalo ng Pambansang Kamao gaya nina Marco Antonio Barrera at Erik Morales.

By Ralph Obina

September 23, 2016 0 comment

SPORTS

Minnesota Timberwolves planong bilhin ang kontrata ni Kevin Garnett

written by DWIZ 882

Balak umanong bilhin ng NBA team na Minnesota Timberwolves ang kontrata ni future hall of famer na si Kevin Garnett.

Ayon sa mga ulat, nasa kalagitnaan pa ng pag-uusap si Garnett at ang Timberwolves para sa nasabing pagbabalik nito sa koponan.

Matatandaang naglaro na si Garnett sa Timberwolves noong 2014 matapos maging bahagi ng Boston Celtics at Brooklyn Nets.

Si Garnett ang siya na lamang natitirang aktibo sa basketball mula nang mag-stand out ito sa high school noong 1995.

By Avee Devierte

September 23, 2016 0 comment

Newer Posts

Older Posts