Lusot na sa quarter finals ng Miami Open si US tennis star Venus Williams.
Ito ay makaraang idispatsa ni Williams ang defending champion na si Johanna Konta.
Kinailangan ni Williams ng dalawang oras at labing siyam (19) na minuto para talunin si Konta sa iskor na 5-7, 6-1, 6-2.
Sinabi ng 37-anyos na si Williams na masaya siya sa ipinakita niyang performance at inaasahang magpapatuloy ito sa pag-asang masungkit ang kampeonato.
Handa na ang Philippine Azkals na sumabak sa kanilang paghaharap ng Tajikistan ngayong araw para sa AFC Asian Cup Qualifiers.
Ayon kay Azkals Head Coach Thomas Dooley, hindi magpapabaya ang koponan kahit pa tabla na lamang ang kanilang kailangan para umabanse sa Asian Cup.
Dagdag pa ni Dooley na kumpiyansa siyang nasa kundisyon ang kaniyang mga manlalaro.
Magaganap ang laban ng dalawang koponan sa Rizal Memorial Sports Complex sa lungsod ng Maynila.
Iniurong na sa July 8 ang laban ni Senador Manny Pacquiao kay Lucas Matthysse sa Kuala Lumpur, Malaysia.
Ito ay bilang pagbibigay daan sa Ramadan mula Mayo 16 hanggang Hunyo 14.
Dahil dito, iniurong na rin ang kick off conference na itinakda na sa June 24.
Tabla na ang koponan ng San Miguel Beermen at Magnolia Hotshots sa Game 2 ng best of seven finals sa PBA Philippine Cup.
Lalo pang naging agresibo ngayon ang Beermen upang hindi na maulit pa ang mapait na pagkatalong sinapit nila noong Game 1 kung saan, naselyuhan nila ang laro sa score na 92-77.
Bumida sa nasabing laban si Arwind Santos na nakabuslo ng 24 na puntos habang 16 puntos naman ang naibuslo ni Marcio Lassiter at 15 puntos naman ang kay Alex Cabagnot.
Malaki naman ang pasasalamat ni Beermen Coach Leo Austria sa kaniyang team dahil sa pagsusumikap nitong masungkit ang Game 2 at umaasa siyang magtutuloy-tuloy na ito.
Hindi pa matiyak kung kailan muling makababalik sa paglalaro sa NBA si Boston Celtics All-Star point guard Kyrie Irving.
Ito ang inihayag ni Celtics Coach Brad Stevens dahil nakatakda aniyang operahan si Irving sa kanyang kaliwang tuhod bukas.
Kasabay nito, hindi naman nababahala si Stevens na posibleng maapektuhan ng pagkawala ni Irving ang rankings ng Celtics na kasalukuyang nasa ikalawang puwesto sa NBA Eastern Conference.
Magugunitang apat na beses nang hindi nakapaglaro si Irving simula noong Marso 11 dahil sa injury nito.
Tiniyak ni Mexican boxer Canelo Alvarez na gaganti ito sa rematch nila ni Kazakhstani boxer Gennady Golovkin na gaganapin sa Mayo.
Ayon kay Alvarez, sisiguraduhin niyang hahalik sa lona si Golovkin sa araw ng kanilang pagtutuos.
Nag-ugat ang pagngi-ngitngit na ito ni Alvarez sa mga batikos at pangangantiyaw na inabot nito kay Golovkin.
Ito ay matapos na magpositibo si Alvarez sa ipinagbabawal na substance na ayon sa kampo ng Mexican boxer ay dahil sa pagkain ng kontaminadong karne ng baka.
Itinanggi ni fighting senator at dating eight division world champion Manny Pacquiao na naghiwalay na sila ng landas ng coach nitong si Freddie Roach.
Ito ay matapos na lumabas ang mga ulat na hindi na bahagi si roach ng laban ni Pacquiao sa malaysia.
Sa panayam ng DWIZ, sinabi ni Pacquiao na wala pa siyang desisyon ngunit sa kasalukuyan ay nananatili niya pang coach si Roach.
Gayunman, pagdating sa paghawak sa kanyang mga laban, sinabi ni Pacquiao na hahawakan na ng MP Promotions ang lahat ng kanyang laban dahil isang taon na rin namang expired ang kontrata niya sa Top Rank promotion ni Bob Arum.
Ang gandang promotion nito sa Malaysia dahil under MP Promotion, hindi lang dalawa o tatlong country ang involved dito, nasa mga pitong countries ang involved dito at iba’t ibang mga bansa ang maglalaban-laban tapos ito ay live sa mga iba’t ibang bansa and then pay-per-view sa Amerika. Pahayag ni Pacquiao
Laglag na sa unang round pa lamang ng Miami Open si 23-times grand slam champion Serena Williams.
Ito ay matapos siyang idispatsa ni Indian Wells champion Naomi Osaka sa iskor na 6-3, 6-2.
Ayon sa 20-anyos na Japanese tennis player, sobrang kaba ang kanyang naramdaman habang nasa gitna ng court lalo’t paborito niyang manlalaro si Williams.
Sinabi nito na isang katuparan na makalaban at matalo ang tinitingala niyang si Williams.
Ang laban kontra Osaka ang ika-apat na laban ni Williams magmula nang magbalik ito sa paglalaro pagkatapos na ipanganak ang panganay niyang baby.
Pinataob ng Toronto Raptors ang Orlando Magic.
Matinding depensa sa fourth quarter ang ginawa ng Raptors na naging susi ng kanilang panalo sa iskor na 93-86.
Aminado ang Magic na na-pressure sila sa huling sandali ng mga laro.
Muli namang pinangunahan ni Kyle Lowry ang panalo ng Toronto na sumikwat ng dalawampu’t limang (25) puntos.
Handa na ang Philippine Azkals sa nakatakda nitong mga laban ngayong buwan.
Unang makakasupa ng Azkals ang Fiji para sa international friendly match na gaganapin sa Marso 22.
Ang naunang laro ay magsisilbing tune up game para sa AFC Asian Cup 2019 Qualifiers match na gaganapin sa Marso 27 kung saan makakasagupa nila ang Tajikistan.
Dahil dito, umapela ng suporta ang koponan para sa kanilang mga napipintong mga laban.