SPORTS

Bigong masungkit ng Ateneo Lady Eagles ang twice to beat advantage sa semis ng UAAP Women’s Volleyball.

Ito ay matapos sila pabagsakin ng defending champion na De La Salle Lady Spikers sa kanilang muling paghaharap kahapon sa 2nd round ng tournament.

Nagtapos ang laro sa straight three sets sa iskor na 26-24 , 25-17 at 25-19.

Dahil sa nasabing pagkapanalo ay nangunguna pa rin ang La Salle na may 12-2 / win-loss record at may twice to beat advantage, habang nalaglag naman sa ikatlong puwesto ang Ateneo Lady Eagles na may 9-5/ win loss record.

Pinangunahan ni Kim Kianna Dy ang Lady Spikers matapos itong makapagtala ng labintatlong (13) puntos, na sinundan ni Desiree Cheng na may labindalawang (12) puntos.

Habang si Kat Tolentino naman ang nanguna para sa Lady Eagles matapos makapagtala ng labinlimang (15) puntos.

Photo From: De La Salle University Women’s Volleyball Team / Facebook

Sinibak na ng koponang New York Knicks sa NBA ang dating Utah Jazz star player na si Jeff Hornacek.

Ito’y dahil sa kabiguan ni hornacek na dalhin sa nba play-offs ang koponan sa ika-limang sunod na taon.

Maliban kay Hornacek, sinibak din ng Knicks ang assistant coach nitong si Kurt Rambis.

Nangyari ang pagsibak matapos ilampaso ang Knicks ng Cleveland Cavaliers sa kanilang mismong home court noong Miyerkoles.

Puspusan na ang pagsasanay ng dalawampu’t tatlong (23) miyembro ng Gilas Cadets na ipapadala ng Pilipinas para sumabak sa Asian Games sa Indonesia.

Ayon kay PBA Commissioner Willie Marcia, hindi sila makakapag-break dahil na-stretch na ang calendar games ng season para sa Asian Games.

Dahil dito, tuluy-tuloy ang schedule ng mga laro sa PBA sa kasagsagan ng international competition.

Sa panig naman ng Samahan ng Basketbol ng Pilipinas, sinabi nitong patuloy ang kanilang pakikipag-usap sa mga manlalaro ng Gilas na kanilang ipapadala.

Nagsimula na rin ang kanilng ensayo sa ilalim nina Coach Jong Uichico at Josh Reyes.

—-

Ipinakilala na bilang bagong coach ng Philippine national volleyball team si De La Salle head coach Ramil de Jesus.

Aminado si Coach Ramil na malaking pressure ito sa kanyang parte dahil nasa kanyang balikat ngayon ang malaking responsibilidad.

Sinabi nito na bahagi ng kanyang mandato ay ang ihanda ang mga manlalaro ng national team para sa Asian games at AVC Senior Women’s Cup na gaganapin ngayong taon.

Kasabay nito, nanawagan si Coach Ramil ng suporta sa kanyang panunungkulan bilang head coach ng national team.

Matatandaang 2005 nang maging coach ng national team si de Jesus na nakasungkit noon ng tansong medalya.

Siya rin ang nasa likod ng dalawang dekadang pamamayagpag ng De La Salle Lady Spikers sa UAAP.

Aarangkada na simula Linggo, Abril 15 ang 2018 NBA Playoffs.

Sa Eastern Conference Division, selyado na sa number 1 spot ang Toronto Raptors na posibleng makasagupa sa round 1 ang Washington Wizards o Miami Heat na magbakbakan para sa 8th at 7th spot; posible namang makaharap ng Indiana Pacers ang 4th spot Cleveland Cavaliers o Philadelphia 76ers na nasa 3rd spot habang maaari ring makasagupa ng Boston Celtics na nasa 2nd spot ang heat.

Posible ring makabakbakan ng 76ers ang Milwaukee Bucks depende sa kalalabasan ng mga huling game ng season ngayong araw.

Sa Western Conference Division naman, posibleng makasugapa ng Houston Rockets ang New Orleans Pelicans; Golden State Warriors kontra Minesotta Timberwolves; Portland Trail Blazers laban sa San Antonio Spurs at Oklahoma City Thunders at Utah Jazz.

Ibinaon ng Cleveland Cavaliers ang kalabang New York Knicks.

Hindi pinaporma ng Cavs ang Knicks at tinapos ang laban sa iskor na 123-109.

Muling nanguna para sa Cavs si Lebron James na kumamada ng 26 puntos at 11 assist habang sinegundahan naman ito ni Kevin Love na nag-ambag ng 28 puntos.

Bumangon ang Cavs mula sa pagkatalong nalasap noong nakaraang linggo sa koponan ng Philadelphia 76ers.

Dahil dito, napanipis ng Cavs ang kanilang pagitan sa kasalukuyang number three sa Eastern Conference na Philadelphia.

—-

Taob sa China ang Philippine Malditas sa 2nd round ng 2018 AFC Women’s Asian Cup sa Amman, Jordan.

Dinuro ng Chinese team ang Philippine Women’s National Football Team sa score na 3-0, sa King Abdullah II Stadium, kagabi.

Ang china ay 8th time champion sa naturang torneyo at isa sa mga powerhouse sa Group A.

Magugunitang nalusutan ng Malditas ang host nation na Jordan sa score na 2-1.

Kasalukuyang nasa 3rd spot sa Group A sa kartadang 1-0 habang kanilang makakaharap sa final match ng dibisyon ang Thailand sa Huwebes, April 12.

—-

Lumapit pa ang defending champion na La Salle Lady Spikers sa pagkakaroon ng twice-to-beat advantage sa final four ng UAAP Women’s Volleyball Tournament.

Ito’y makaraang talunin ng De La Salle ang University of Santo Tomas Golden Tigresses na nagtapos sa straight three sets sa iskor na 25-23 ; 25-23 at 25-22.

Pinangunahan ni Kim Kianna Dy ang Lady Spikers matapos nitong magtala ng labindalawang (12) puntos.

Samantala, natanggal naman na sa competition ang koponan ng UST matapos makakuha ng siyam na pagkatalo.

Photo From La Salle Lady Spikers / Facebook

Apat hanggang limang buwan na hindi makalalaro sa court si Boston Celtics Point Guard Kyrie Irving.

Ito’y matapos siyang sumailalaim sa isa na namang surgery sa kanyang kaliwang tuhod.

Ayon kay Celtics President of Basketball Operations Danny Ainge, hindi na isinama si Irving sa line up para sa NBA playoffs na magsisimula ngayong buwan.

Nitong Marso, sumailalim na sa surgery si Irving nang tanggalin ang tension wire sa tuhod nito.

Pero nakitaan ng doktor ng bacterial infection ang tuhod ni Irving dahil sa mga screw na nakakabit doon.

Nagsimulang magkaproblema sa tuhod si Irving noong 2015 NBA finals noong siya’y nasa koponan pa ng Cleveland Cavaliers.